Natyrshëm zbulova pasionin tim të vërtetë të cilin gjatë gjithë këtyre viteve jam përpjekur ta kultivoj me gjetje të reja e krejt të ndryshme. Në këtë aspekt jam munduar të komunikoj dhe me koleg me te cilët kam shkëmbyer biseda dhe ide për shumë receta duke mos lënë pas dhe produktet shqiptare. Nuk kam reshtur asnjëherë të thellohem në gjetjen e mundësive të ndryshme për të lulëzuar bartenderin në qytetin e Fierit duke nisur nga mënyra e komunikimit me klientin, nxitjen e tij drejt koktejleve të reja te cilat përpiqem t'i realizoj gjithënjë e me interesante, deri tek sherbimi i tij. Dëshiroj të theksoj se sa më shumë e njoh këtë fushë, gjithënjë e me tepër ndiej se kufijtë e " hobit " rinor kalojnë në dashuri e bindje për ta shndërruar në profesionin tim jetesor. Me gjithë eksperiencën e këtyre viteve që padyshim kanë vlerën e vet, jam përherë kureshtar e në kërkim të shtigjeve të reja që shpresoj t'i gjej për të sjell risi të shumë pritura në fushën e bartenderit.