Duke qënë që se erdha nga Berati me dëshirën për të qënë pjesë e turizmit, vendosa të qëndroj në Durrës. Isha shumë i interesuar për të mësuar rreth mixologjisë, përgatitjes së pijeve, përzierjes së tyre, alkoleve, historive dhe kategorive të ndryshme të tyre. Sa më shumë mësoja rreth mixologjisë, për përzierjet dhe teknikat e krijimit të koktejeve, aq më shumë kuptoja sa e gjerë dhe e thellë ishte kjo fushë. Çdo herë që arrija të krijoja një koktej të ri, ndjeja një kënaqësi të veçantë, por edhe më shumë vetëdije për faktin se gjithmonë kishte më shumë për të mësuar dhe për të provuar. Sot, perpiqem gjithmonë te ndaj eksperiencat bashkë me kolegët e tjerë të fushës. Besoj se shkëmbimi i njohurive dhe përvojave na ndihmon të rritemi profesionalisht dhe të zhvillohemi më tej në botën e mixologjisë.