Kur isha në fillimet e mija kuzhinierët s'të afronin me idenë e zënies së vendit të tyre. Por ama na linin të merrnim baza të forta. Më kujtohet një shprehje "çdo njeri ka ditët e tij të shkelqimit". Të jeni të sigurt një shkëlqim i parakohshëm është një "boomerang". Çdo ditë kemi diçka të re për të mësuar, më së shumti nga gabimet. Merrini gjërat shkallë-shkallë. Ndërtoni bazat të forta. Aty pastaj do kuptoni se punën nuk do e shikoni më si punë por si diçka që ju plotëson dhe do e dashuroni. Çdo lodhje apo sakrificë të zhduket kur merrni kënaqesinë e klientit. Dhe me besoni kënaqësia e vertet është kur ti je krenar me veten ku je. Do vijnë dhe titujt ..do vij dhe fama. Lëreni famën t'ju vij nga pas. Do vijnë dhe "xhixhat" pa merak. Kjo vlen për të rinjtë vlen dhe për kolegët e mi. Do zëvendësohemi të gjithë një ditë. Transmetoni dijet pasi do lehtësoni krahët tuaj. Sot kemi nevoj për më shumë se asnjëherë për mëndje dhe krahë të rinjsh të apasionuar. Ndryshe industritë e ushqimit do bëjnë të tyren siç kanë bërë në vënde të ndryshme të botës ku rrofshin mikrovalat. Uroj që ky shkrim të ndikoj vetëm për mirë dhe të jetë një keshillë miqësore.