Çfarë është Hospitality?
BAJRAM ISUFI
RESTAURANT MANAGER
Shumë njerëz kur flasin mendojnë që hospitality është thjesht shërbimi që ato marin në restorante dhe në hotele, por jo hospitality ne gjuhën tonë është mikpritje. Duhet të kuptojmë që në fushën e mikprtjes dhe turizmit eskperienca dhe ndjenja që lejmë tek mysafirët është ajo çka është më e rëndësishme dhe çka është çelsi i suksesit për këtë fushë.
Mikpritja nuk është thjesht aspekti teknik i shërbimit, mikpritja është dialog nëse ti ndjen qe unë jam në anën tënde dhe jam këtu për ty. Kjo është mikpritje! Nëse ti po kupton që unë po bëj diçka jashtë të zakonshmes për ty! Kjo është mikpritja! Kur ti kupton që shërbimi bëhet i personalizuar për ty në bazë të shijeve dhe preferencave që ti ke atëherë ne e quajmë mikpritje.
Në qoftë se restoranti apo hoteli juaj do të ketë gjithmonë një mikpritje dhe të dhuroj gjithmonë një eskprience që të ngel në mëndje duhet të dij që besoje ose jo por në disa raste klientët janë të dytë edhe stafi në vend të parë. Kjo është diçka që nuk para mësohet ose kultivohet nga restorantet apo hotelet që operojnë në vëndin tonë. Ato janë gjithmonë me idenë që klienti ka gjithmonë të drejtë, klienti vjen gjithmonë i pari. Harrojnë që në fushën e hoteleri turizimit nuk ka klientë por mysafirë, dhe për të bërë të mundur që mysafirët të kalojnë një eksperiencë të bukur duhet të bejmë që stafi që po bën të mundur mikpritjen dhe po kujdeset për këto mysafir është i lumtur dhe vjen në punë me deshirën dhe motivimin që të bëj që eksperienca e çdo mysafiri të jetë e paharrushme .
Ler tek stafi yt te njëjtën ndjesi përkujdejse që do të doje që ato të jepnin tek mysafirët qe vijnë tek restoranti ose hoteli që ti ke.
Një tjetër element kyç për të qenë në sukses në botën e mikpritjes dhe turizmit është gjetja e njerzve të duhur. Jo cdo kush mund të jetë pjesë e botës së hotelerisë dhe restoracionit jo çdo gjë varet nga dijet dhe eksperinca që ti ke. Ti mund të jesh kuzhinieri më i mirë në botë ose somelieri më i pergatitur që restoranti mund të ketë por nëse ty të mungojnë aftesitë emocionale për të dhuruar një eksperiencë dhe një mikpritje që të ngelet në mëndje. Këto aftësi emocionale gjenden tek njerëz që kënaqësitë më të mëdha në jetë i kanë të bejnë të tjerët të ndjehen mirë dhe të ndjehen të mirëpritur . Krakteristikat që vihen re tek këto njerëz është mirësia, optimizmi, inteligjenca empatike , kuriozitieti etik dhe integriteti.
Në këtë fushë një rol shumë të rëndësishëm luan personalizimi i shërbimit, si bëhet kjo? Duke mbajtur shënime! Dixhitalizimi me programet përtkatëse kohët e sotme e bën shumë të thjeshtë që ne të regjistrojmë mysafirët tanë me detajet dhe specifikat që ato kanë duke bërë të mundur krijimin tek mysafirët të ndjesisë që ai ka rëndësi për ne dhe ne jemi këtu për të.
Ka plot restorante që ofrojnë një shërbim nga ana teknike dhe gastronomike në nivele shumë të larta dhe me një përkujdesje kundrejt detajeve që për eskpertët e fushës me te vërtet lënë mbresa por eksperienca që ato dhurojnë nuk e mund atë ndjesinë e mikpritjes që ofrojnë vende të tjera që nuk kanë të njëjtin interes për aspektin teknik të sherbimit por kushtojnë rëndësi sjelljes dhe mikpritjes së personalizuar që krijon tek mysafirët e tyre.
Jemi në kohën ku çdo ide e bukur dhe e mirë, nëse është me të vertet një ide që do ketë sukses ajo kopjohet, një recetë, muzika, një vere qoftë kjo një teknikë shërbimi, e vetmja gjë që nuk kupjohet në këto kohë është ndjenja që ne trasmetojmë, mikpritja që ne japim dhe kujtimi që ne lejmë në mëndjet e tyre.